胡鴻鈞(Hubert)今日去商台宣傳新歌《偷聽情歌》，提到最近日本熱播BL神劇《大叔的愛》，呢套搞笑喜劇講述HeHe三角關係，套劇熱播，有網民提議拍港版，仲話男主角田中圭好適合由許廷鏗演，曾經同許廷鏗傳過緋聞嘅Hubert就贊成對方接拍，佢笑言：「如果佢肯為咗套劇獻出第一次，我一定撐！搵埋我演都得。呢類無厘頭嘅喜劇，我鍾意睇，當笑話咁睇。」

Hubert仲爆許廷鏗好有喜感，佢話：「私底下佢係好討喜嘅一個人，佢好笑，語出驚人，不過偶像包袱永遠放唔低，加上牙醫身份，要保持專業。」佢希望許廷鏗獻出第一次拍處男劇，另邊廂，Hubert笑指自己都想「破處」開騷，佢話：「都心急想開㗎，但係同時唔想粗製濫造，處男之身守咗咁耐，希望做到嘅時候會好好睇睇。」

精選娛聞，喺晒《娛果》
http://fb.com/appledailyent