林雅詩今日以底胸透視短裙去到太子街頭，為賽車比賽拍攝宣傳海報，本身係愛車之人，一聽到拍廣車廣告，即唔計較酬勞答應接拍。早前跟經理人馬天樂到廣東惠州參加跑車賽事，結果輸比馬天樂，屈居亞軍。

雖然事前有接受過賽車訓練，但仍有一定危險性，所以林雅詩賽前需要簽生死狀及買保險，囝囝也叮囑佢要小心，嚟緊十二月喺佛山就有今次呢個比賽。

林雅詩話佢喺香港揸車通常都係接送囝囝返學，佢話：「車住小朋友會以安全為主，不過有時返學趕時間，都會揸快啲，跟住佢就會叫：『媽咪揸慢啲！』又話想作嘔。」咁其實其餘時間都冇得點揸得快，香港燈位咁多。

對於「小巨肺」Celine出局，林雅詩表示冇乜留意新聞，但作為父母身份去看，佢會希望子女專注學業，唱歌跳舞等只作興趣去學，不鼓勵參加比賽。