當年今日
關於我們

張繼聰懶理謝安琪一切風波:老公嘅責任係長期令老婆心情愉快

蘋果日報 2020/11/25 00:00

張繼聰謝安琪麥浚龍

張繼聰、陳庭欣(Toby)、栢天男、張建聲、霍啟剛夫婦與陳漢娜等,今晚於九龍灣出席《逃獄兄弟》首映禮。張繼聰透露即將拍攝一部有關馬拉松的電影,現時努力跟教練練跑,不過對着一班精英運動員,他笑言只能在後面食塵,並看着跑手越來越小的背影。
問到張繼聰近期是否跟太太謝安琪(Kay)一同操肌?對於近日有指Kay太肥而惹怒已簽約的纖體公司,最終決定解約而失掉7位數字酬勞,阿聰力撐說:「大家成日喺屋企,佢好努力keep住做運動,好弗好健康。報道有好多唔真實嘅地方,唔回應嘞。工作上嘅嘢畀佢自己交代,佢對工作係好認真、好專業嘅,佢會好努力準備自己,報道無從稽考,所以睇完就算。」
有指太太Kay跟老闆麥浚龍關係決裂,張繼聰回應說:「更加唔關我事,做老公嘅要確保關係和洽、相親相愛。」問到Kay心情會否影響?他說:「老公嘅責任係長期令老婆心情愉快,佢處理事情上已經好成熟同埋專注,喺呢行已經唔係新人,已經拿捏到,大家應該將注意力放喺工作上,對於新聞嘅睇法,唔係真實嘅就唔會應嘞。」
至於 疫情 第四波爆發,會否擔心?阿聰說:「都有擔心,今晚順利完成,電影下星期上,仲有幾套 香港 電影上,希望大家守得住。」
empty
empty
empty
empty
-----------------------------
《蘋果》英文版免費試睇: 了解更多
英文版已登錄《蘋果》App,立即 下載/ 更新 : iOS / Android
-----------------------------
支持蘋果深度報道,深入社區,踢爆權貴,即Like 蘋果專題及調查組FB專頁 !