去年7.1反送中遊行，示威者闖入立法會，並一度佔領會議廳。警方去年8月底拘控多人，當中包括藝人王宗堯，被落案起訴「進入或逗留在會議廳範圍」。到今年上庭後，律政司改控更嚴重的「暴動罪」，最高刑期可判監10年，案件排期本星期五（18日）在西九龍裁判法院出庭。王宗堯今日在網上表示，面對龐大律師費，在面對現實下求大家「懲罰」。

王宗堯在IG留言話「今天收到一個不太利好的消息。由於沒有得到很大的援助，未來將需要面對負擔起龐大的律師費用。需要很多很多，大量大量的商業工作機會。麻煩請大家幫忙懲罰吓我」。他以短訊回覆《蘋果》訪問時，不諱言需要錢去應付訴訟支出︰「errr...需要錢，哈哈哈。我好憎咁講。」不失豁達。

他表示之前幫不少黃店工作，很多時都是義務性質或者只收車馬費，可能往後日子要面對現實，同時希望趁這段時間，可以狂接工作幫補律師費，被問到相關費用時，王宗堯未有詳細透露，只表示達7位數，他說︰「之前上庭好多係義務律師，而家打暴動罪又唔同，律師費點都過百萬。今個星期五上完庭就開始要畀錢，律師費當然要自己cover，所以我打算做多啲黃店相關嘅嘢，要狂接工作幫補。」

當問到眾籌的可行性時，王宗堯話之前有人試過，但就被人話牽涉洗黑錢活動，所以自己有保留，他說︰「冇後悔當初行得太前，要搞你，乜嘢理由都可以。無限嘅追溯期，都有可能同其他嘢起訴你、拉你，根本冇得避。」

另外，王宗堯表示有找「612援助基金」幫手，對方亦有提供幫忙︰「已經有幫忙，多謝佢哋一直有support我， 但係都係好大筆數目。」而在網上開帖後，宗堯話收到不少好朋友短訊問候，感覺非常窩心。

一方有難 八方支援

王宗堯在中午出po後，不少香港人均積極支持，紛紛留言提出諸多方法想幫助他，當中一間黃店咖啡室更邀請王宗堯合作，晚上王宗堯去到咖啡室簽名製作限量產品，並拍攝了一段片段，他說：「其實呢，今次喺出咗post之後，大家都好關心，好多朋友massege我問我需唔需要幫手，其中一個就係珈啡公義。所以呢，今次同佢發起呢個購物活動，我係支持嘅，亦都希望大家多多支持，多謝。」

-------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！