TOM小學杜志烜Leanne
樂隊Mr.成員Tom(杜志烜)、太太何思諺(Leanne)今日與楊張新悅、Cara G.、陳嘉容等去到灣仔,出席「Redress設計大賽2018」總決賽時裝表演。
Tom話好少同太太一齊出活動,今次活動仲要係有關fashion,好難得。呢次活動主張環保,將舊布料循環再造,Tom話:「潮流過得太快,過咗一季就丟,所以先有今次活動循環再造。現今海洋、地球好多污染,大家都要喺生活上支持環保。」
咁平時生活有冇教囝囝要有環保意識?Tom就分享囝囝畫畫嘅事:「佢環保過我哋,平時佢畫畫都要用盡枝筆,張紙都要填滿先換,佢都有呢個意識提我哋。」囝囝依家開始讀小一,Leanne話囝囝好開心,仲同佢講唔想再返幼稚園,因為返小學可以自己帶飯盒。
兩人有冇打算想追多個陪囝囝玩?Tom就話有苦衷:「o依家唔同以前,o依家返小學仲未feel到好多功課,但好多朋友同我哋講,功課壓力好大,但感受到學校制度好似好複雜,有好多通告要簽,真係要諗下先。」咁囝囝有冇叫過要細佬妹?Leanne話:「佢一時時好難捉摸,有時佢話女仔好麻煩,有時見到啲BB又話好可愛,要睇定啲先。」Tom就喺旁邊講笑:「係囉,今晚返去簽晒啲回條先再算啦。」
精選娛聞,喺晒《娛果》
http://fb.com/appledailyent
樂隊Mr.成員Tom同太太何思諺、唐寧等出席環保時裝活動。
囝囝啱啱先讀小一,佢哋話已經feel到學校功課嘅複雜程度。