【新增回應】
曹央雲母親爆料力數女兒，自揭家事，語出驚人。曹母於訪問中，稱女兒過往結交過多名金融才俊，96年更獲男友送上干德道豪宅，其時男方更惠及曹母，送上藍田滙景花園一個向海單位。

問題係，曹母一直租住公屋，寶林的公屋單位是04年才以24萬購入。

曹母說：「係買咗一間489萬單位，我好開心個女幫我爭取到，我多謝個女男友。但去到地產，我以為買畀屋企梗係我同佢老竇個名，但阿雲話『我唔係屋企人咩？』，結果層樓落咗母女兩個名。」

滙景花園單位後跳升到800幾萬，曹母說：「我窮出身，層樓升咗咁多，我好開心，另一方面我怕自己間公屋保唔住，我叫阿雲不如賣咗出去，畀番489萬畀佢，咁賺番嚟錢咪畀我買間大居屋，公屋留畀番畀有需要嘅人。阿雲話叫我唔好打佢主意。」來自寧波移居香港的曹母，收滙景花園嗰陣，有否向房署申報？當然，亦有例子係，有公屋住戶被揭擁私人物業收租，市值300萬，超出可容許的資產上限，但因其家庭入息水平無超出指定限額，所以並無違規，可以繼續租住。曹母的個案又如何？

曹母來表示後來曹央雲男友破產，滙景花園層樓跌巿要200幾萬蝕賣，曹母即說：「佢話取消我個名，畀咗我10萬。」

曹央雲友人今日向《蘋果》爆料，指出其實兩個單位都是曹央雲付錢，她當年投資有道，賺下了一筆私己錢，一心想家人改善生活和居住環境，母親又可搬離寶林邨公屋，可是曹母偏偏不肯，認為住公屋是女兒死穴。據知曹央雲當日早買下藍田滙景花園，但曹母及家人不肯搬過去，曹央雲就改為把單位加了母親名字。曹母住慣將軍澳，曹央雲再提議不如給錢母親在同區買樓，1997年曹央雲出錢其母揀樓，曹母遂揀了320萬的將軍澳慧安園，曹央雲一筆清付錢。

問到曹母為何住公屋可擁有私樓，她昨晚WhatsApp回應：「因為公屋已住很多年了，以前是可以，之後已買下了。」

曹母又指曹央雲當年獲悉為男友何永安陀女時，男方送她100萬禮金，可是曹母卻炒燶股票，千金散盡。

曹央雲友人今日卻提供另一版本，稱那100萬並非禮金，因為曹母嚷着要到曹央雲朋友食肆做雜工，想富貴女兒難堪，曹央雲便給母親100萬零用錢。爆料人又稱，何永安本也有給曹母大筆禮金，但後來有人態度出問題，結果一拍兩散。