上個月啱啱生咗細女嘅鍾麗淇，坐完月趁住假期，噚日就約好姊妹湯盈盈同一位女友人去中環濕平，不過兩位靚媽唔係為自己置新裝，而係買鞋仔諗住幫囡囡扮靚靚。

見佢哋喺舖頭左揀右揀，傾到雞啄唔斷。期間鍾麗淇仲試咗幾件專門設計畀為餵人奶嘅媽媽嘅服裝，兩位靚媽最後都買到戰利品滿載而歸，出舖頭嗰陣，湯盈盈發現到記者，即刻同鍾麗淇分道揚鑣，一支箭走落停車場攞車。