【本報訊】第五批通脹掛鈎債券（iBond，4228）今日正式在港交所（388）掛牌買賣。投資者應怎樣部署？專家對iBond首日表現預測大致相同，料開市價為104至105元以上。大多數專家認為，除非散戶手頭資金較充裕，可長期持有iBond，否則建議到104.5元左右水平即可考慮「盡快賣咗佢」，套現用來消費、「刺激吓經濟」更佳。
iBond上周五暗盤價最高曾見105.8元，如今日落實此升幅，則投資者撇除手續費，每手（面值1萬元）賬面可賺約580元。抽到iBond的市民可能「心郁郁」，想趁價位高沽貨，亦有人打算長揸三年賺盡利息。

投資者或需轉倉

對於首日開市價，信誠證券聯席董事張智威預計定會見105元或以上，又指去年上市的第四批iBond（4222）上星期收報104.8元，「今次第五批iBond開市價一定高過佢」。張智威指iBond首日掛牌後達105元、甚至上望105.5元水平便可沽貨，不建議貪高息、等價格再升，因不少人都以零成本借孖展抽到一至兩手，「再等佢升可能要蝕孖展息」。
君陽證券鄧聲興估計開市價約104元、「好彩啲可上到105蚊」，又指始終升幅有限，建議升到105元可以即沽。耀才證券市務總監郭思治則料開市價達104至105元左右，他又透露自己都抽到兩手，價位到104.5或105元便會沽，「賣咗賺嗰啲就即刻拎嚟使，等商戶、經濟可受惠」。
不少投資者希望即日沽iBond「賺茶錢」，惟須留意如是透過銀行認購iBond，欲在港交所沽售前，需把iBond轉倉至證券戶口，過程需時兩、三日，故上星期投資者如仍未轉倉，今日已趕不及即日沽售。另外，銀行或會因轉倉而收取收續費，惟現時大部份銀行現已豁免此手續費。如「怕麻煩」不想在港交所沽出iBond，亦可考慮轉售予銀行，惟銀行的回收價一般會較市價略低，投資者應先查詢清楚，自行比較。