【一雪前恥】Kim海灘晒巨股 又自爆曾險小產
蘋果日報 2017/09/25 16:32
Kim Kardashian小產North Westkeeping up with the kardashians
美國真人騷女星Kim Kardashian於今年4月於墨西哥度假，被影到成個屁股都係橙皮紋，嚇走10萬個Instagram粉絲。佢呢5個月來努力健身，今天於IG上載晒股相，刻意大騷臀部冇橙皮紋。佢早前指自己每日5、6點起身健身，再加上飲食節制，終於重拾好身材。
最近佢於自己個節目《Keeping Up With the Kardashians》十周年特輯中，又指自己於懷有囡囡North時曾險小產：「我好驚，有一個時候我以為自己小產，我都幾肯定，我唔知發生咩事，所以我於感恩節時飛返屋企，醫生同我講，BB冇心跳，你個BB冇咗。」但第二日再去睇醫生，醫生竟然係睇錯。「佢話：BB有心跳，你冇小產！我就覺得係一個徵兆，真係一個大起大落嘅感恩節。」
Kim Kardashian於今年4月於墨西哥度假，被影到成個屁股都係橙皮紋！
今日佢於IG上載晒股相，刻意大騷臀部冇橙皮紋。
Kim一直愛晒身材。
最近於節目中又指自己於懷有囡囡North時曾險小產。