喺學生哥眼中，邊個係佢哋欣賞嘅領袖？香港青年獎勵計劃搞咗個「我最欣賞的領袖」雕塑設計比賽，噚日公佈結果。幼稚園、特殊學校組、小學組嘅冠軍作品，都揀咗煲呔做題材。原來班細路鍾意佢嗰句「我會做好呢份工」喎，可能佢哋仲細，未讀中史，亦唔知文革同民主嘅真正關係啦。不過，讀多少少書嘅中學組同學，就唔係咁易俾煲呔呃到。冠、亞、季軍頭三名嘅作品都冇煲呔份。
得獎嘅中學同學話，論接受挑戰，煲呔點及得鄧小平同孫中山。如果講親切，又唔及得屋企阿爸。有同學就鍾意肥彭，話佢冇某啲香港官員咁假喎。