【新增動新聞】
正所謂「耳聽三分假，眼看未為真」，大家成日上網睇資訊，其實好多嘢都未必係真，好多人話有片有真相，事實上係咪真係咁呢？近日網上瘋傳一條片，片中少女喺度玩笨豬跳，但就好多人都話呢單其實係一單意外，因為片中懷疑個女仔跳果陣冇幫佢綁到繩。

喺FACEBOOK PAGE「Cap9U is watching U」尋日UPLOAD咗條片，呢條短短10秒嘅片係影住個女仔玩笨豬跳 (Bungee jump) ，跟住工作人員推咗佢落去，然後就微微向上望，PAGE仲剎有介事咁話：「唔知邊度發生唔知幾時發生淨係知應該出咗事」（有網友見到有黃繩，真相係點無人知，因為搵唔到相關資料）。

雖然一度引起恐慌，但其實條繩見唔到唔代表冇，實情係條繩應該係喺跳台下面，以免真正跳果陣會令到條繩有任何損傷。有網友就PO咗另一個角度嘅相，其實條繩喺腳下面係common sense，可能大家睇得卡通片太多，以為條繩好似打蛇餅咁擺喺腳餅，最尾呢個驚恐PO瞬間成為恥笑PO嘞！

網民點睇

Samsam Law：X，成班渠頭，條繩響跳台下面架

Danky Wong：頭頂應該係個mon，佢似望個mon囉！腳就一定有繩

Ippo Shek：通常綁好晒先行出去跳台，點會乜都無就俾你行去啲咁危險位置

Alex Yeung：無知真可怕，個個變專家