當年今日
關於我們

【韓流】《藉著雨點再愛你》下周港開畫 孫藝珍認有結婚衝動

蘋果日報 2018/06/21 16:00

蘇志燮藉著雨點再愛你孫藝珍

韓劇《經常請吃飯的漂亮姐姐》女星孫藝珍近日拍完劇後就去咗旅行,不過佢喺拍《漂亮姐姐》前就孖韓劇《主君的太陽》男星蘇志燮拍攝韓片《藉著雨點再愛你》,《藉著雨點再愛你》係改編自日本同名電影,今次拍韓國版同樣掀起熱潮,而韓片《藉著雨點再愛你》將於下周四喺喺香港上映。
早前孫藝珍、蘇志燮及導演李章焄接受訪問,孫藝珍對於再次拍攝愛情片,佢話:「一直都希望可以拍愛情片,愛情片對我嚟講就好似好重要嘅故鄉一樣,我感受到觀眾會因為我拍愛情片而更加鍾意我。」對於唔少觀眾睇完電影後就話會想返起自己嘅初戀,孫藝珍直言自己都會想起20歲嗰時嘅不安,亦都令自己回想起以前對演戲一竅不通嘅時候。
喺新片中再同蘇志燮合作,孫藝珍表示自己一直期待,當佢知道蘇志燮落實演出時佢亦知道電影已經成功咗一半。對於被蘇志燮形容為完美主義者,孫藝珍大笑話:「如果我讀書時都係咁樣就去咗讀哈佛,喺演戲時,有時我會覺得呢個係我要演嘅部份、感覺要肩負很重嘅責任,我覺得自己仲未夠努力,無論如何,志燮哥哥咁樣評價我真係好感謝。」同時孫藝珍都坦言拍完劇集後自己有想結婚嘅想法,想成為劇中嘅角色一樣,有理想婚姻及做一個好媽媽。
至於蘇志燮受訪時,直言拍攝時因為投入角色,確實有對孫藝珍心動過,不過拍完電影後佢亦認為有深愛嘅人喺身邊係好珍貴嘅事,佢話:「之前對結婚並冇諗得好深入,可是現在我也考慮到,我呢個年紀結婚生小孩嘅話,究竟能唔能夠盡情地同小朋友好好玩呢?呢樣嘢涉及好多比較現實嘅苦惱。」
另外,孫藝珍早前到法國南部拍攝雜誌封面,雜誌方面公開照片,同時孫藝珍受訪時就透露因為拍攝《漂亮姐姐》時談及日常生活嘅戀愛事,所以佢拍攝時都會有心動嘅感覺。

更多韓流,喺晒《娛果》
http://fb.com/appledailyent
empty
孫藝珍早前到法國為雜誌進行拍攝
empty
孫藝珍坦言拍《漂亮姐姐》時有心動過
empty
孫藝珍正為下一齣作品做準備
empty
韓片《藉著雨點再愛你》下周四喺香港上映
empty
孫藝珍同蘇志燮再度合作
empty
孫藝珍喺片中飾演一名母親