【積奇挑機】試谷閘拉住照贏 日本騎師有運行
蘋果日報 2019/12/03 20:30
積奇開心好友積奇挑機
開心好友（左）試谷閘輕勝
今次周三（4日）快活谷夜賽編跑九場，用B欄C彎跑道角逐，四場國際騎師錦標賽，田泰安及莫雅獲抽配之馬匹實力較強，排檔形勢亦唔錯，機會可以秤先。潘頓停賽期滿復出，座騎實力也甚強。
第四場四班1000米國際騎師錦標賽首關，「開心好友」四歲質新馬已逐漸適應環境，剛戰同程排大外檔，走勢有前有後拼入季軍，負於「萬眾之力」及最近補中的「孖寶」，水準唔錯。
此駒復課明顯加強操練，拍跳姿態輕鬆，試谷閘表現更吸引，快閘被捉實，直路在收無可收情況下湧上取勝，過終點餘勢更強。抽配日本騎師川田將雅排四檔，只要發揮應有水準，我睇贏面相當高。
「好甜橙」演出穩定，夠快排外檔影響不大。「萬眾之力」是老對手，但負磅有差距，大家再鬥進度。
「閃電精靈」熱身後有明顯進步，抽配莫雅排三檔，可爭一席。