嘉華國際（173）有中、港物業兩頭馬車，繼續享受資產增值獲利機會，有得諗。呢期阿爺keep住調控，外界仍然睇淡內房。但要咁睇，調控唔係永無止境，加埋嘉華家陣喺祖國發展物業及土儲，超過1800萬平方呎，隨住調控期完成，呢批土儲，中線肯定為嘉華帶嚟龐大增值。再講，除咗內房，嘉華一直都有參與香江房產項目，好似呢期推出「深灣9號」，已經預售過半數單位，兼為集團變現26億銀。成個項目計，潛在變現上50億銀，肥仔水。所以，就算內房業務唞吓氣，呢邊香江房產，一樣為嘉華帶嚟豐厚變現及利潤。係咁易重秤嘉華NAV到6蚊，現價（2.03元）折讓66%，收集博中線翻一番到4蚊，嘉華都未有耐上到NAV。