陳慧琳(Kelly)今年3月時小產痛失孖胎,經過一段日子閉關休養後,亦逐漸復工,前晚她一身紅色長裙往中環出席美國時裝品牌ToryBurch的活動,但她卻姍姍來遲,原來她要在家餵完蝦餃仔食奶才可以出席活動,她說:「慢慢做番嘢,日頭先喺上海返嚟,聽日又要上廣州,今次仲要唱快歌㖭。」Kelly指自己仍在康復階段,不能站太久,又開始看中醫及進補,她說:「好多朋友送咗花膠同海參畀我補身。」問她老公會否投訴她工作太頻密?她說:「唔會,佢好開心我投入番工作就真。」她又指在上海血拼買童裝給蝦餃仔,買得最多是粉紅色,她續說:「連老公都話點解男仔着咁多粉紅色,我就話家唔姣等幾時?」