今個周中冇咩重心場合，只係得啲二線盃仔嘅初賽為主；但千祈唔好睇少盃仔，事關𠵱家各地聯賽都係被2、3支強隊壟斷，呢啲盃仔最啱啲二線波去博。
先講西班牙盃，馬體會上周作客輸咗畀拉科，士氣大損，至今所取得的勝仗大多是僅勝對手，加上主隊傷兵眾多，季初大勇嘅馬田柏杜夫、麥斯洛廸古斯等全部傷晒，只靠隊長費蘭度托利斯，點弗都帶唔起隊波；利雲特已保持了3場作客不敗，上仗作客賽和維拉利爾，引證佢哋守力唔錯，今仗有力全身而退。立博開出初盤，主隊少讓低讓平/半有暗湧，想好分不如小敲和局仲好。

英聯盃超聯隊天下

英格蘭聯賽盃方面，由於英超同低組別球隊實力差距愈來愈大，相對爆冷機會亦不多，阿士東維拉，韋斯咸、愛華頓、阿仙奴出副選都應該可以輕易取勝，尤其是韋斯咸，已經連輸7場兼冇波入，士氣低到頂點，今次只對住甲組仔車士打菲特，一定希望大炒番1場。
德國盃小弟睇好史浩克04作客擊敗科隆，已經降回德乙的主隊，近況明顯有所下滑，今仗遇上回勇的史浩克04，最近10次碰頭未嘗1勝的科隆實在不宜沾手；以德甲目前形勢，拜仁同不來梅應該控制大局，史浩克04絕對有決心，在盃仔場合博吓，客W千祈唔好放過。
謝利
立博亞洲區首席博彩顧問
電郵：[email protected]