周日（9日）跑國際賽，用全闊Ａ跑道角逐，近日天氣轉冷兼有點潮濕，相信對沙網草的場地不會有影響。

四場國際賽，日本隊強陣圖染指各項錦標，香港代表也精銳盡出，得主場之助，始終有一定優勢。騎師陣容當然鼎盛，莫雷拉開始出任蔡廐主帥，為期半年，今期座騎實力甚強，有望連場報捷。

第二場三班1200米，高伯新馬房自購馬「年年旺」外地跑五場，得一冠三亞一季，贏馬是右轉1200米，今次做足工夫而來，幕後有「星洲司令」出戰國際賽，相信是配合一齊出擊的。

這匹高廐秘密武器十月份開始做快工夫，適應相當好，期間做兩個大閘，泥閘跟放跑第三，負於「豹子頭」及「鄉村瑰寶」，已留下深刻印象。埋門谷閘輕鬆跑第二，拍跳走勢純熟有追勁。用巴度是馬房愛將，今季合作有三Ｗ，初出有分頭，可以一博。

「京京千里」潘頓騎番，路程首本，落草地快跳考驗甚勁，論馬在三班有點微利，今次小休個多月復出會有幫助，是三甲之材。

「正本雄心」今季好銳，兩勝谷草1200米，能擊敗「鄉村瑰寶」絕非僥倖，前仗在同程放得太急跑第四，水準唔曳，田草同樣合發揮，今仗輕磅排二檔，形勢大好，可在三甲佔一席。

「環翠戰士」剛戰直路賽追入季軍，復課勤操，狀態起得更好，跑1200米會更合適，排大外檔要考梁家俊發揮，搵到遮擋有權爭一位。「開心神駒」拍跳體力仍佳，勇況不減，用黃俊減七磅有助，都是配腳之選。