剛在內地監製完網絡電影《4夜奇譚》的彭浩翔接受電話訪問時說:「我從來都唔拍續集,《大丈夫2》都冇拍。今次拍係因為戲裏面千嬅用過嘅電郵地址
[email protected],喺套戲上完之後半年,我有日心血來潮開咗嚟睇,發現好多人傳電郵畀春嬌,記住係春嬌唔係千嬅。佢哋教咗好多方法教春嬌點樣同志明相處,嗰一刻令我好感動。」
故事承接上集,彭浩翔說:「因為上次結尾已經講兩個人開始戒煙,今次會由佢哋戒咗煙嘅同居生活講起,拍少咗食煙,粗口都仲有,今次會集中講男女拍拖之後有乜嘢問題,之後仲會有第三者出現,希望今次唔會定為三級。我又好怕用『2』呢個字做續集名,所以《春嬌與志明》最合適。」導演表示劇本仍在籌備中,因此除千嬅及樂仔角色落實外,其餘人物仍未定案,至於夾在兩人中間的第三者,電影公司屬意吳彥祖及孫紅雷,以前者機會較大而且亦較具說服力。他表示明年初要先完成另一部跟內地合作、改編台灣同名小說《會撒嬌的女人最好命》的電影,演員暫定會有周迅跟舒淇,才能拍續集。