兩年後,張震遠就大鑼大鼓宣佈成立商交所,所以話,如果唔係周文耀唔肯做,張震遠點會走去搞呢?不過咁都未完,周文耀2010年辭任港交所行政總裁後,被委任為數碼港主席,商交所寫字樓正正喺數碼港,傳聞仲要欠租,睇怕周文耀要搵人去追數。成件事係咪同周文耀好有關係吖!
查實商交所做呢門新生意,情況有些少似當年嘅甘泉航空,甘泉航空以長途廉航作招徠,獨沽一味,以為好有市場,結果因為長期虧損而結業,佢唔明白,國泰航空(293)其中一個成功原因,係網絡夠廣,用賺錢航線補貼蝕錢航線。商交所冇一門帶來穩定、豐厚收入嘅生意墊底,齋做商品期貨,咁就出事了。
李華華
mailto:
[email protected]