【新增影片】

港大法律學院公法講座教授陳文敏曾指，未聞有一個國家立國家安全法時，「個草案係巿民連睇都無得睇，睇到時已經係通過咗嘅法律。」律政司司長鄭若驊亦指不知道條文細節。惟資深大律師湯家驊今早受訪時，批評三度發聲明促港府生效前公開法律內容的大律師公會，指其聲明充滿挑釁性及製造恐慌，「如果你睇到條條文係咁寫，我都會原諒你，我哋而家連條文都未睇到。」又指要求特首或官員下台，不等於顛覆政權，因為政治制度沒有被顛覆，只是換人。

全國人大常委會會議今日（20日）結束，預料會公開「港版國安法」的條文。消息指，「港版國安法」草案未必會一次過在人大常委會表決通過。港區人大代表葉國謙接受商台訪問時指，不論會否表決，「港版國安法」條例的原文都會在今天公開。

相關新聞：
人大常委會議結束 譚耀宗：開會初審草案 今天不公開條文

大律師公會昨第三度就國安法發聲明，提出多項憂慮，包括國安法若非以普通法實施，特區法官、大律師和律師難以解釋，再促港府在法律生效前公開內容。前立法會主席曾鈺成今早出席nowTV節目《大鳴大放》，指「港版國安法」通過基本法附件三成為香港法律後，相信具體執法和司法絕大部份會在香港進行，並會依普通法行文。

指內地法例香港實施非首次
「點解今次跳出咁多問題？」

行政會議成員、資深大律師湯家驊今早接受商台《政經星期六》訪問亦指，「港版國安法」與其他條例一樣，「用普通法處理」，又批評大律師公會製造恐慌：「作為一個負責任的專業團體，「如果時不時要發聲明，我希望佢哋嘅聲明唔好充滿住挑釁性，或者製造恐慌，或者將件事無盡放大。」

湯指，今次是新立一條法案，而非修改《基本法》，「唔係修改中國對香港政策方針」，「內地法例放喺香港法例嘅附件三都唔係第一次，國旗法國徽法駐軍法同最近國歌法，唔同形式都有」，他表示不明白今次「既然唔係第一次，點解跳出咁多問題出嚟？」再批評大律師公會對「港版國安法」很多假設是「唔應該作出」，例如假設條例修改了《基本法》，質疑毫無事實根據。

湯指，《基本法》才是香港的凌駕性法律，而「港版國安法」應受制於《基本法》以「保障市民」。他舉例稱《基本法》第39條保障港人的公民權利及政治權利，另香港人權法案條例亦是對所有其他法律有凌駕性。

「如果你睇到條條文係咁寫，我都會原諒你」

至於是否要求「港版國安法」行普通法，湯指《基本法》第8條及18條列明，香港行普通法，「憲制上係有個疑問，《基本法》嘅成立、解釋係由國家去決定，國家係行大陸法，所以憲制層面佢係行緊大陸法，但係喺內部法律嘅層面我哋係行緊普通法，呢個係毋庸置疑。」他指 「港版國安法」放入《基本法》附件3之後，「你點解會認為呢條條例同其他條例會有啲好特別唔同嘅制度去處理？根據喺邊度？」

湯批評大律師公會，「如果你睇到條條文係咁寫，我都會原諒你，我哋而家連條文都未睇到。」他指「港版國安法」與其他條例一樣，「用普通法處理」。

至於鄭若驊指「港版國安法」依「普通法行文不切實際」，湯家驊代為解畫指鄭的意思是指該條例「用普通法嘅語言定係用大陸法嘅語言去寫。」他認同「港版國安法」用普通法語言寫是「不合理」、「冇乜可能」。又指要求特首或官員下台，不等於顛覆政權，因為政治制度沒有被顛覆，只是換人。他又承認，「港版國安法」某程度可限制各種自由，但指不等於所有自由一朝喪失。

指北京保密功夫做足
稱立國安法感錯愕

對於中央突然宣佈需立「港版國安法」，湯指當時感覺有點錯愕，但又不至於感到「非常出奇」，他指香港經過去年「暴亂」且立法會未能行使職能，「我都心諗，係咪有啲特別啲嘅處理方法呢？話口未完就知人大準備通過決議，為香港訂立港區國安法。」又指「我所知道嘅嘢同一般普羅大眾一樣」，指自己在會議舉行前一天才收到消息，強調自己「沒有任何先兆」，指今次北京保密功夫做足。

大律師公會副主席葉巧琦反駁湯家驊的批評，指公會只是就法律上的疑問提出合理質疑：「（之前）大家都睇唔到具體條文內容，點解你（湯家驊）叫人唔使擔心就一定啱，我哋就一定錯？」

昨日報道：
大律師公會三度發聲明 促港府生效前公開法律內容
-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多