英國出現武漢肺炎變種病毒，多個國家及地區禁止來自英國的航班降落。不過，疫情未有窒礙已決定移居英國的港人步伐。April（化名）昨晚與家人經新加坡赴英，在香港時間今日（22日）下午順利抵達倫敦希斯路機場，她指希斯路機場運作如常，人流不算多，亦未見恐慌。她亦不太擔心變種病毒，「做返好自己，戴口罩、做好清潔」，又指英國政府在發放疫情訊息的透明度高，「人哋可能會覺得呢邊（病毒）變咗種，又lockdown（封城）咁，我反而覺得就係負責任（政府）先至咁做吖嘛！」

April 是土生土長香港人，父母當年由內地逃難到港，幾乎每年都出席維園六四集會，萬料不到今日到女兒要逃離香港。April 在約一、兩個月前已與正讀小學的兒子先到新加坡會合在當地工作的丈夫，並計劃移居英國。

移居英國前夕卻遇上武漢肺炎變種病毒，但未有窒礙一家三口赴英的決心。April昨晚與家人經新加坡赴英，「冇特別好擔心，因為香港有啲機停飛，我都有check 吓新加坡政府啲措施，一路有check住」，並於香港時間今日下午順利抵達倫敦希斯路機場。

雖然疫情肆虐，April直言機場如常運作，人流不算多，亦未見恐慌，而她現場所見，亦有約8至9成人有戴口罩，「（希斯路機場）分咗幾個terminals，我地去嗰個係T2，唔混亂。而有朋友由香港飛過去，係T5就好多人。」不過她指出，入境時有海關人員「叫我哋唔好戴口罩，話戴口罩聽唔清我哋講嘢。」

她坦言，不太擔心變種病毒，「擔心都會有，但未至於驚恐，做返好自己，戴口罩、做好清潔。去一個新地方生活，要接受佢好嘅地方，亦接受佢唔好嘅，我都評估過風險先嚟。」

英國有部份地區的物資被市民搶購一空，April 稱在機場未見有人搶購物資，而她落腳的城市防疫措施屬第二級（tier 2），疫情不算最嚴重地區，市面平靜。但她已做足準備，「有啲powerbar（能量棒）、有啲米，我自己都有電飯煲，at least短時間食物都預備好，都有相熟朋友」，又指外國地方比較大，不擔心物資短缺。

她又稱，英國政府在發放疫情訊息的透明度高，「人哋可能會覺得呢邊（病毒）變咗種，又lockdown（封城）咁，我反而覺得就係負責任（政府）先至咁做吖嘛。我寧願佢話畀我聽有幾嚴重⋯⋯我自己可以準備好，起碼唔使估估吓！」

身處英國倫敦西部的香港留學生麥先生今早在港台節目中則表示，當地日前公佈局部封城措施，禁止室內家庭聚會，只有超級市場及日用品商店可以營業，倫敦市面人流明顯減少，兩周前剛完成上一輪封城後，市面人山人海預備聖誕節，但日前宣佈封城後，街道少了人及車，但仍有部份人士未有響應政府呼籲戴口罩。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！