田泰安今季成績突出，目前穩坐騎師榜第二位，今季騎功亦大有躍進，最近更晉升為一級賽冠軍騎師，唔少練馬師都搵佢幫手。

周日（16日）沈集成第一場五班2200米「文武傳奇」及第八場三班1200米「競駿天驕」都交俾佢搏殺。

今朝（13日）上述兩駒都由田泰安親自操練，沈集成非常緊張全程都跟出跟入，並且兩次接馬都與田泰安密斟。

「文武傳奇」今季在田泰安胯下連勝兩場五班賽事，今次固然要追捧。

不過「競駿天驕」都不能夠睇小，此駒今季三次由巫顯東執韁跑田草一千米，表現一場比一場接近。今次易配田泰安改跑上季兩度上名的田草1200米路程，有決心起筷。