「『拍劇真係好辛苦。』上星期爸爸抱著我，媽媽坐在我旁，由我大哭。」家住大埔豪宅的何雁詩，爸爸經營時裝貿易生意，大前年有傳他以個人名義以850萬買入浪澄灣一單位，當時何雁詩只有21歲。

但何雁詩似乎經常受情傷，曾與「巨星幫」謝東閔分手後，又曾戀日韓混血兒「高富帥」男友Wataru，但感情仍是無疾而終。患過厭食及抑鬱症的她體重一度跌至得70幾磅，連媽咪都擔心到攬住佢喊。今次與鄭俊弘及富家女未婚妻關係曝光，亦令人擔心何雁詩的情緒。

今日周刊封面披露鄭俊弘早於2014年7月於船P認識由外國讀書返嚟嘅富家女，文中稱鄭俊弘暱稱女友為beebs。

打鐵趁熱，鄭俊弘在拍拖一周年即向女友求婚，更別出心裁揀於深圳瑞吉酒店一間兩層複式房間求婚，但其實間房本來係Book嚟慶祝拍拖一周年，行事小心嘅鄭俊弘仲要女友負責book房同俾錢，上到房未幾鄭俊弘就玩驚喜換上禮服手執戒指求婚，周刊報道稱男方嘅求婚戒指係喺加拿大登台時，喺當地一間Michael Hill Jeweller店買，價值約港幣4,400，鄭俊弘仲拎埋fans送俾佢嘅貴價紅酒上去同cheers，真係算到盡。

咁點解拍拖一周年即急急求婚？據周刊引述報料者稱，因為鄭俊弘同beebs拍拖之後，應承過女友家人話一年內會俾女方一個承諾。求婚成功後，女方家人已視鄭生如女婿一樣，而鄭生在WhatsApp對話中，亦直稱女友為「老婆」。名份已定，估唔到拍一個《真心真意》MV竟然令鄭俊弘背未婚妻而與何雁詩火速打得火熱。