前晚派對上衣香鬢影，郭富城、胡敏珊、人大前委員長萬里孫女萬寶寶、賭王何鴻燊及四姨太梁安琪皆是Prada時裝騷座上客。賭王透露一晚連走四場，非常忙碌。情人節將至，記者請教賭王可有妙計追女仔？他風趣地說：「今年係狗年，𠱁女仔就要重手啲，唔好送啲狗屎垃圾畀人，最少要送九卡鑽石，冇九卡石嘅話，至少都要送四條九黃金啦！啲石咁閃，幾盲都會擘大眼睇你啦！」

賭王有三個姨太太，豈非要送夠二十七卡鑽石？他說：「佢哋唔吼喇！」此時站在身旁的四姨太梁安琪即時走近與賭王握手說：「多謝，何生！」四姨太其後說：「乜唔吼？零點九卡都要，呢啲心意嚟！」四姨太又表示會回贈賭王一個「畫嘅心」。問她可會再造人？四姨太耍手擰頭說：「唔得喇，我都老啦！」