當時馬德鐘着白西裝襯牛仔褲,拎住D&G名牌袋,先入D&G逛15分鐘,齋睇冇幫襯,然後再喺廣東道行嚟行去,最後去咗周生生睇錶,兩個店員見到大明星駕到,即刻熱情招呼,不過馬生塊面相當黑,全程睇住擺手錶嘅玻璃飾櫃,店員攞咗啲目錄向佢推銷,佢都冇乜反應,結果搞搞震大半粒鐘,都係冇幫襯,最後馬德鐘又去咗JustCavalli,同樣都係得個睇字。
馬德鐘主演嘅新劇《爭霸》就快播出,本來佢有劇出街,又趕拍長劇,應該忙到甩轆,但仲可以得閒到漫無目的逛足成個下晝,唔使宣傳又唔使拍戲,咁佢嘅「工作如常」都幾清閒喎!