已為人父的蘇永康，早前接受車淑梅的節目《舊日的足跡》訪問，當中談及父子情，更大談與許志安的友情。明天是父親節，將是蘇永康和兒子度過的第三個父親節，更令他想起亡父。

蘇永康的父親於2000年離世，故兒子從未見過爺爺，而家中擺放了一張爺孫三代的拼合照片，兒子會抱着相片跑來跑去。有次兒子又抱住相片時，蘇永康對着相片說︰「老豆，如果你喺呢度，我哋兩個人（蘇永康與太太）成日行開行埋，你要幫手睇住個孫呀！點知我一講完，個仔即刻對住個神位揮手叫爺爺。」

從來不避談往事的蘇永康，他於2002年在台灣發生吸毒事件，他坦言有遺憾，他說︰「記得當年6月返嚟開記者會，會後收到羅文（Roman）打嚟嘅電話，佢話：『點呀你？我好掛住你！』我哋兩個大男人拎住電話喊，咩都講唔到。我話Roman請畀時間我，我會返嚟見你。」後來他再到台灣，於8月12日回港，羅文已在瑪麗醫院，且不肯見他，令他非常遺憾，見不到這位前輩最後一面。

至於他多年好友、Big Four成員許志安，最近發生「安心偷食」，他說︰「安仔後來同我哋（Big Four）講對唔住。我話『你傻㗎』？2002年我最低潮嘅時候，每朝早8點你帶住滑板搵我去滑水，當年安康演唱會因為我嘅事拖慢咗票房，你對我不離不棄，而家點可以講呢啲。我哋喺30幾年嘅朋友，我當然對佢哋（安仔及Sammi）有信心。的確，呢件事女士難接受，但佢哋有信仰一定會過到。」車淑梅問他會否請兩位老友來看騷，他笑謂︰「 如果我真係請佢哋嚟，佢哋又肯嚟，大家係睇佢哋定係睇我呢？」

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多