近期熱話嘅港片，毫冇疑問係陳詠燊導演嘅港片《逆流大叔》，由開畫畀人睇死，到越做越旺戲院滿座加場，截至噚日票房累計已經超過1,290萬元票房。

有誠意嘅又豈只港片，正喺港上映講述印度教育制度嘅電影《起跑線》，都越影越旺。套戲男主係演過荷李活片《地獄解碼》（Inferno）、李安《少年Pi的奇幻漂流》嘅印度演員伊凡卡漢（Irrfan Khan）。截至噚日《起》片上映8日，戲院由原先嘅35間加到42間，場次亦加咗5成，由92場增加到143，票房亦有287萬元。特別係周末唔少家長都會帶埋小朋友入場。其實戲中男女主角為咗個女入讀名校，扭盡六壬。好多港媽港爸睇完都身同感受。《起》片故仔講述屬於中產嘅伊凡兩公婆，認為嗰女要贏喺起跑線，就要入讀名校。為咗名校學位，兩夫婦扮窮搬去貧民區報用地址，最後佢哋如願以償，入讀心儀學校，而事實又係咪好似兩公婆所想咁美滿......

另外，呢位52歲嘅印度影帝伊丹卡漢伊凡今年自爆染上神經內分泌癌（相關新聞： https://bit.ly/2oNvyMg），情況仲唔樂觀。不過近日有好消息傳出，就係伊凡接受完5周化療之後，身體有好轉。經理人透露伊凡即將復出，拍攝一套傅記電影。而《起》片亦決今年底開拍續集，監製表示劇本已經出爐，男主角自然就係伊凡，只係等緊佢如期復工。