【新增內容及圖片】

今晚喺紅館有「時裝車禍」G.E.M.開演唱會，佢選擇咗露肉髀。另一邊廂，有班藝人就喺將軍澳為大台錄影懷舊金曲節目《流行金曲50年》，出出地事喇。

大台呢個節目，個個星期都唱舊歌，今晚就搵咗草蜢、側田、張立基、朱咪咪、何雁詩等等做嘉賓，而只有24歲嘅何雁詩着嗰條裙，唔知係咪想配合番個節目呢，佢就揀咗好有懷舊feel嘅紅色通花裙，心口中門大開，兩邊手臂透視薄紗，何雁詩喺裏面加多件肉色打底衫……簡單講，可能連何媽媽都未必會揀嚟着囉！

而第三次參與《流行金曲50年》錄影嘅張立基，錄影前一日就去咗大台綵排，佢就好鬼馬咁係社交網絡貼圖加留言：「咦......又嚟唱遊堂！唔係嘛，計埋今次第三次喇喎！乜仲有歌入《流行經典(金曲)50年》咩！？正呀！！！娃哈哈」，之後佢都繼續有留言叫大家估吓佢會唱乜歌喎！