當年今日
關於我們

【記住呢一分鐘】法國人都鍾意睇 王家衛獲盧米埃爾電影節終身成就獎

蘋果日報 2017/06/16 16:40

王家衛終身成就獎盧米埃爾電影節盧米埃爾大獎

王家衛喺法國影壇地位好崇高,曾經攞過康城最佳導演獎、法國政府頒授榮譽軍團騎士級勳章、司令勳章以表揚其佢對電影業嘅貢獻,而噚日有法國金球獎之稱嘅第9屆里昂盧米埃爾電影節(Lumière Film Festival)官網宣佈,將本屆素有終身成就獎之稱嘅盧米埃爾大獎(Prix Lumières)頒俾王家衛,係對佢嘅創作同藝術風格嘅肯定。
第9屆里昂盧米埃爾電影節(Lumière Film Festival)將會喺今年10月14號喺法國里昂舉行,大會官網仲寫話:「after all, dark glasses are undeniably classy」(畢竟,墨鏡是不可否認的經典),諗唔到大會頒獎俾王導演,語句會咁幽默,里昂呢個電影攝影機之鄉係第一次俾咁大個獎俾亞洲導演,而獎項將會喺10月20號頒發,而呢個獎之前就已經頒過俾昆倫塔倫天奴(Quentin Tarantino)、馬田史高西斯(Martin Scorsese)同艾慕杜華(Pedro Almodóvar)等電影業者。
得到咁大殊榮,王家衛頭先回應話:「122年前,電影喺里昂誕生,今日喺同一個地方得到呢個榮譽,意義殊深,感謝盧米埃爾,感謝大家!」
empty
盧米埃爾大獎(Prix Lumières)頒俾王家衛,係對佢嘅創作同藝術風格嘅肯定。(資料圖片)
empty
大會官網仲寫話:「after all, dark glasses are undeniably classy」(畢竟,墨鏡是不可否認的經典)(資料圖片)
empty
里昂呢個電影攝影機之鄉係第一次俾咁大個獎俾亞洲導演。(資料圖片)
empty
里昂盧米埃爾電影節有法國金球獎之稱。(互聯網圖片)