當年今日
關於我們

包立賢未定蜜月地點

蘋果日報 2005/11/21 00:00


喺中電做了6年嘅包立賢(圖),原來剛畢業時最想做記者,但當時已經成家,兒子又剛剛出世,需要有較高及較穩定嘅收入,所以選咗會計,入咗安達信。包立賢話:「我爸爸對我選擇嘅職業無乜要求,佢只係要我完成學業……𠵱家我都係咁樣對我嗰四個仔。」四個仔當中,有兩個已完成學業,其中一個仔的女朋友在英國《彭博資訊》做記者,可算係為包立賢圓咗一個未完的心願。
想當年,包立賢喺劍橋大學及哈佛商學院畢業,80年代初投身能源業,喺一家加拿大銀行做北美項目財務顧問主管。95年起轉為替亞洲區能源客戶服務。及後加入施羅德集團,最後升至集團亞太區公司財務顧問駐港主管,到2千年時就加入咗中電。
包立賢話喺過去20年來除了中電股票外,從未買過其他股票,主要係因為以前做會計師時,買股票有好多限制,惟有投資基金,到𠵱家佢主要嘅投資亦都係基金。
剛喺9月再婚的包立賢,一臉幸福。佢話下半年工作排得密密麻麻,相信要到新年時才可以補度蜜月,但就重未定到去邊度享受二人世界。