【本報訊】婚紗攝影公司在婚紗展擺出精美浪漫相片，連在工廈劏房開設的婚禮攝影公司也租檔招客，但在遺失客人照片後，疑因財力問題，賠償一直拖延。消委會數字顯示，婚紗攝影投訴有上升趨勢，該會提醒消費者選擇婚紗攝影，除攝影風格外，公司規模更不容忽視。
去年九月結婚的鍾氏夫婦，在婚紗展中選擇了CloverStudio拍攝婚禮，收費1.6萬元，「見佢影啲相幾靚咪幫襯囉」。他們要求將婚宴前拍攝的大合照在散席前冲曬好，以便即場將相片分發親友留念︰「攝影師將張SD卡畀我啲戥穿石曬，曬番嚟發現啲相唔齊，但冇乜為意；點知一個月後攞番執好嘅相，發現大合照冇晒。」

賴客冇帶backup工具

CloverStudio最初否認責任，「佢哋唔認錯，仲怪我哋冇帶備份工具畀佢哋backup啲相，又話啲相係戥穿石拎去晒，又賴曬相舖刪除咗啲相」。鍾太質疑備份相片為攝影公司責任，據理力爭下，負責人於去年12月終答允賠5萬元，「但係又話唔可以一次過賠錢，要分幾次畀，仲話要搵律師傾吓點賠」。惟該公司一直沒實現承諾，「打電話去冇人聽，傳電郵又唔覆，可能想不了了之」。
記者到CloverStudio位於觀塘一幢工廈的辦公室查看，發現該公司開設在劏房，兩次到訪均無人應門，門外水牌無公司名稱。本報致電該公司電話則有人接聽，職員指負責人不在港，又指公司正找律師處理賠償。
資深婚禮顧問歐惠芳指出，攝影合約通常不會列明遺失相片的賠償方法，但謹慎的攝影師會即時將相片上載電腦備份，有規模的公司更會多派一兩名攝影師以免有所閃失。婚紗攝影公司芝柏婚紗發言人表示，業界一直沒訂立賠償準則，金額一般是攝影套餐的價錢。律師梁永鏗表示，即使合約上沒列明賠償細則，若能證明婚禮攝影公司疏忽，事主也可要求賠償。