阿澤續說:「電影製作過程中冇妥協係好可怕,唯一妥協係成本唔夠,cut咗好多情節。我喜歡部戲夠簡潔,唔覺呢部係拍得好好嘅一套戲,但我覺得好驕傲拍咗呢部戲。」猶豫過後,他決定明晚踏上金像獎紅地毯:「責任嚟,唔係去緊一個你好想去嘅地方,唔係見到一班你好想見嘅人。我喺fb見到好多人貼導演會好開心啲相,同一班人,我好多人唔想見到,其實社會撕裂無法彌補、無法和解,我唔會選擇要去和解。」 問阿澤上台致謝辭時可會爆seed?他直言:「理應去準備,我唔去準備,當係善待自己方法。」更指萬一遺漏了答謝朋友,大可回家後透過社交網更新名單補數。此外,阿澤前晚於fb貼出為金像獎場刊撰寫的文章,自爆當年上位時為錢拍戲,「直到佔領事件之後,我幾乎失去了一切,產量由每年主演七、八部戲,下跌到一年一部。」又謂拍攝《空手道》得到了金錢以外的滿足感。 採訪:陳杰 化妝:Anita Lo