「籃球之神」米高佐敦雖然退咗休好耐，但佢幾時都係大眾焦點，而喺美國時間星期日，佢喺1984年洛杉磯奧運決賽所著嘅波鞋就以190,373美金（約150萬港元），創出咗比賽著過波鞋嘅拍賣價新紀錄。

呢對創出拍賣新紀錄嘅Converse波鞋，係MJ喺洛杉磯奧運美國贏西班牙嗰場決賽所著嘅波鞋，鞋上面有MJ簽名，拍賣價由10,000美金開始，結果由一個當年奧運得11歲嘅場邊執波仔以190,373美金投到。至於著過嘅波鞋拍賣價上一個嘅紀錄，亦都係由MJ所保持，嗰一對係佢喺1997年NBA總決賽公牛對爵士Game 5、病住都入38分嗰場幫公牛贏波嗰「Flu Game」所著嘅 AJ波鞋，2013年創出嘅拍賣價係104,765美金。