三星電話內置相機拍出「鬼相」，城大資訊系統學系一級導師謝煥坤指絕非真有鬼，相信是內置的相機軟件「中毒」所致。「當你download咗一啲寄存咗病毒嘅圖片或者檔案，就會污染原有嘅拍攝功能。你影相時，呢個病毒會自動幫你啲相加Filter（濾光鏡），喺你張相上面加圖片」。

可製作更恐怖效果

他說，出現在相片的同一「女鬼」，有時側一邊，有時倒轉，更肯定是病毒隨意在相片上「加Filter」，而不是真的有鬼。「係惡作劇，佢技術上可以加啲Animation（動畫），好似擰轉頭、甩咗個頭，效果更加恐怖」。
他說寄存在檔案或Apps的病毒只會在某些時間和日子出現，故未必每次拍照都會出現女鬼。「由於電腦事故協調中心未收過有關報告，所以未知係乜嘢檔案寄存咗病毒，可能要詳細問返用家，最近做過啲乜嘢，先可以拆解到」。
謝煥坤指現時的手機就像一部「超級電腦」，方便用家之餘也方便Hacker（黑客），「家係CyberWar年代，你推出防毒軟件，黑客就會見招拆招，製作新病毒，真係好難防」。《蘋果》記者