韓國人氣男團防彈少年團（BTS）事隔8個月，最近推出嘅新歌《INeedU》人氣爆燈，繼今個星期二喺SBS《MTVTheShow》憑新歌得到第一位之後，組合噚日喺音樂節目《M！Countdown》再下一城，打敗另一冠軍侯選、上位女團EXID，再次奪冠，儲下出道以來第二個音樂節目冠軍獎項，成為韓國樂壇嘅大勢男團！

得獎之後，成員們都表現興奮，仲喺舞台面搽紅唇膏，履行早前向粉絲承諾嘅得獎約定，而成員們亦隨即喺twitter表達對粉絲的感謝，柾國表示：「再一次得到一位，真係好多謝，多得A.R.M.Y（BTS粉絲的名稱），真係好多謝。」而Jimin就表示係難忘嘅一日，仲公開自己錫個獎杯嘅相。

另外，BTS喺今日嘅音樂節目《MusicBank》亦拎咗冠軍，至今已累積了三個冠軍獎項。