「如果男朋友同你食緊飯，因為頂撞幾句，之後佢拍枱走人，你哋會點？」女網民「Siudeedee」日前向男友講粗口，兩人撐枱腳時，對方按捺不住拂袖而去，「我真係好嬲，走都算啦，點解要拍枱喎！」

網友「Siudeedee」初時沒有透露男友為何發嬲，被網友追問後才和盤托出，原來事發當日下午，她與男朋友傾電話時，無意中向男友講粗口，「其實只係助語詞，我已經同佢saysorry，以為佢唔嬲，點知佢會忽然發爛渣。」
冰封三尺，導致拍枱實情另有導火線，「Siudeedee」吃飯時質問男友，為何她說話時，男友總是沒有望着她，「因為我覺得唔望住人講嘢，人哋點知你有冇聽？點知佢好似突然火都嚟咁。」最令她不滿的是，男友不但拍枱，而且很大力推門，令她十分尷尬，「當時餐廳真係好多人望住我。」

「你點對人，人點對你」

女性網民幾乎一致批評「Siudeedee」的男友，指摘他「無品」、「無風度」、「小器」等等，「呢啲咁嘅人，點可以同佢食飯？」「PP_pig」稱，「無論個女仔點錯都好，都唔應該咁做，個女仔好慘，好冇面㗎。」有人更說：「港男極品。」
網友Sam認為「Siudeedee」應檢討，「你點對人，人點對你啫，你男朋友又唔係打女人，只不過係拍枱，你改咗你啲『助語詞』先啦。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]