任總話,細個屋企好窮,喺唔夠200呎、一家五口嘅屋企入面長大,三兄姐弟瞓喺三層碌架床,一直冇「財」可「理」,讀到大學幫教授做研究,至叫做賺到啲錢,正式出嚟社會做事,先有機會儲錢,買吓股票投資,但因為工作關係,先後出任政府金融科同金管局,投資限制越嚟越大,所以除咗存款同買樓之外,乜投資都冇。
有同學關心任總退休後會唔會情傾祖國做央行行長,任總就話「機會好低」,但有機會都會樂意參與。任總下個月榮休,累積幾十年金融點滴,佢話都有諗過出書,雖然香港出書冇乜錢賺,但自己鍾意寫嘢,一星期寫一次嘅專欄《觀點》,半個鐘就起到貨,佢想趁仲有記憶,寫吓一啲未曾公開嘅歷史。任總仲話會有新嘗試,就係要學習點樣「Hea」,皆因佢話成世人完全都未「Hea」過喎!
李華華
mailto:
[email protected]