昨日傳出王征在內地《財新網》訪問，指亞視月底執笠的消息，震驚全港，昨晚前亞視藝人呂晶晶、顏子菲以及周慧敏、陳嘉容等現身中環出席ESCADA活動，04年亞姐冠軍呂晶晶談到亞視可能會執笠時眼濕濕，她說：「如果真係執太可惜，因為亞視曾經輝煌過，我又係選美出嚟，人要識感恩，離開咗都諗起辛酸嘢，佢係兩個免費電視台之一，唔想行到呢步。」
同是亞視舊人的顏子菲亦感可惜：「好唔捨得，自己都好傷心，亞視代表香港歷史文化背景，好心痛，自己都想介紹工作畀舊同事。」名模琦琦則驚訝說：「嘩，好慘！好多員工失業冇工作，我唔算睇亞視長大，但都覺得可惜，選擇節目更加少，益咗內地節目。」

此外，着tube dress現身的周慧敏笑言裙子沒空間，要努力keep fit做運動：「今年首要身體，因為重新做人。」問會否造人？她坦言：「唔諗生BB，屋企八隻BB貓，分配唔到時間，去年尾身體差咗，捉老公一齊檢查，難得健康要keep住，𠵱家每日一蘋果。」
採訪、攝影：羅慧敏