幾十個青少年聚精會神地對着電腦睜大眼,手指在鍵盤上飛舞,眼鏡反映着電腦遊戲裏的怪獸和英雄。今年升讀名校中四商科的Jacky是打機高手,功課過得去便可,打機卻要精益求精,晚上的虛擬世界才是他的天下。
賣遊戲戶口賺過萬
Jacky自言打機由細打到大,最瘋狂的時候,每日花上二十小時,最愛玩的是恐怖分子與反恐人員對打的第一身射擊遊戲CounterStrike,和打怪獸的動作角色扮演遊戲DiabloII。
暑假時Jacky每日打機都要「殺出個黎明」,由午夜玩到翌日九時才倒頭睡覺,睡至晚上八時多,吃過飯看看電視,又再坐到電腦前,「阿媽成日話我唔瞓覺,我有瞓呀,不過調轉嚟瞓之嘛。」Jacky又得意地說,已練成一身不用睡覺的功夫,兩日不睡覺亦屬等閒。
除了在家中打機,Jacky亦愛到網吧流連,高峯時每月花上千元。不過,十幾年來花在打機的金錢和時間也不是白費的,玩DiabloII玩得出神入化的Jacky,將自己戰績彪炳的遊戲戶口賣給別人,試過一年賺過萬元。
談到讀書,Jacky也顯得信心十足:「其實學校都唔使點溫書做功課,總之中、英、數及格咪得囉,考試嗰排專心溫一陣就得啦。」