「舊年下半年開始多咗父母要擇時辰開刀產子，特別係內地孕婦，佢哋計好預產期落嚟生仔，想計埋邊個時辰開刀好，揀埋仔女八字。」風水命理顧問麥玲玲形容：「客人最想仔女條命可以叻啲、有錢啲、舒服啲。」
想幫子女選一個好八字出生，費用約3,000元至5,000元；不過，皇帝命並不是人人「受得起」，麥玲玲解釋：「子女八字一定要同父母八字配合，例如揀仔女條命生於大富之家，但父母根本唔係有錢人，咁揀咗都冇用，分分鐘未到時辰便早產出世。」
找風水命理顧問替子女改名蔚然成風，幾位經常在傳媒曝光的明星級風水師傅，替嬰兒改名收費約2,000元至3,000元，一樣應接不暇，連經常強調名字對個人命運影響有限的蘇民峰也客似雲來，他無奈表示：「我講明改名係冇乜幫助，但啲父母都係想求個安心，咁我咪照改囉。」