國際騎師錦標賽下周三舉行，馬會今晚先獻新猷，在每場賽事進行期間，大銀幕右上方都會打出全場各駒沿途走位名次，旁邊配有各駒綵衣同馬號，兼且顯示跑咗幾多路程，畀馬迷對照，一目了然！現場馬迷對呢項新措施有讚冇彈，其實呢種服務喺好多先進賽馬地區，都實施咗一段時間，香港雖然遲過人，但畀到馬迷方便就唔會有人詐型。