李幸倪（Gin Lee）噚晚喺中環PMQ舉行迷你音樂會，舞台佈置為睡房嘅格局，着住睡袍嘅Gin Lee演唱林夕嘅填詞作品，包括有王菲、林憶蓮、謝安琪及麥浚龍嘅歌曲，Gin Lee話：「今晚會唱十幾首歌，演繹其他歌手嘅作品好有難度，尤其係謝安琪嘅《你們的幸福》，因為啲歌詞好多好密，同埋都係第一次一口氣唱咁多其他歌手作品。」

今次以自己睡房作舞台佈置，其間Gin Lee又喺台上換衫，雖然只係得個剪影睇到佢嘅換衫過程，不過台下嘅fans已經起哄，Gin Lee話有出動私伙擺設：「好似水杯咁，同事仲照住我隻貓貓樣整咗咕o臣，仲有繼上次喺紅館我第一次赤腳唱歌後，今次嘗試着拖鞋唱歌，不過對拖鞋梗係唔係屋企着嗰對。」佢仲話：「雖然籌備時間好緊迫，但自己真係好鍾意呢個概念，希望遲啲再諗吓可以點發展落去。」

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票

精選娛聞，喺晒《娛果》
http://fb.com/appledailyent