本報得知人稱Apple姐嘅78歲無綫資深演員夏萍，噚日上晝喺淘大花園屋企唔小心跌倒，獨居嘅佢，跌親差不多10個鐘都冇人知，係無綫藝員部打電話想問候吓佢時，先知道佢喺屋企跌親。

Apple姐表受電話訪問，問番佢入院件事，佢把聲都好響亮話:「我跌親梗要入院㗎。」咁有冇大礙？佢就話:「冇大礙，跌親隻腳之嘛。」幾時出院？Apple姐話:「噚晚先入嚟。」照過晒X光？佢話:「照過晒㗎啦。」嚟緊駛唔駛開工？Apple就表示:「我未有嘢開。」

下午6點幾，梁健平去到醫院探Apple姐，記者問佢會否幫老人家請個看護貼新照顧，佢話「要睇返Apple姐自己嘅意願」就進入醫院。

據知夏萍姐屋企其實有平安鐘，但由於佢冇將平安鐘放喺身，出事時佢又郁唔到，所以唔可能夠㩒鐘求救。