今次（15日）快活谷夜馬編跑八場，用Ｃ欄Ｃ加三跑道角逐，排內檔能跟守好位馬，入直路多能貫注到底爆贏對手，故檔位形勢頗重要。馬房形勢頗平均，摩、東、沈、姚、蔡廄各自有實力惡馬，甚至何良及賀賢也不可忽略，故形勢相當緊湊。

第三場三班1650米，「變出美麗」上季取得四WIN要付出體力，且評分高企，預期今季都唔容易再贏；確實初出跑同程表現頗差劣；然熱身後增程跑1800米已闖入一席，接住初跑泥地一哩又上名，連上仗田草1400米都追近，反映馬兒狀態、戰鬥能力都在循序回升；復課加強操練，試大閘又拍跳，粗壯馬收身靚番晒，回配嫡系殺手潘頓跑首本路程，有機會贏番仗。

同場「真先生」季內只跑過三仗，可賺體力上優勢，今次落三班跑，對手已減弱，埋門快跳步闊有勁，狀態起得更好。「嘉應之友」復課由羅理雅試大閘，沿途留後輕鬆跟跑，過終點後餘勢頭相當強，看來已仄準。「好加加」上仗出戰同程，放得好急，當試個大閘省一省，今勻落班強敵已去，無馬放可擺前走，有機會爭一席。「琪麟穎」勇況不減，是否不合谷戰，可睇埋今場。「喜得福」體力仍佳。「神舟小子」最多一位。「安荃」季內初出，睇試閘追勁唔強。「傲飛星」維持近仗水準。