入行廿周年的容祖兒將於八月在紅館舉行《PRETTY CRAZY 容祖兒演唱會》，祖兒表示演唱會名字「PRETTY CRAZY」是出自好朋友黃偉文的手筆，她笑說：「呢個名真係改得好好，因為喺呢20年入面，無論係喺工作上、唔同經歷上面，一直都真係PRETTY CRAZY咁去行，呢兩個字可以代表到我哋對工作上面嘅CRAZY，又可以代表到我哋一直努力追求嘅優雅，簡簡單單形容咗我呢20年經歷，Wyman真係勁！」

祖兒日前去東京為演唱會拍攝宣傳海報，今次找來當年初入行合作過的Leslie Kee再度合作，祖兒說：「我只係用咗一日飛去東京，喺24小時好crazy完成，所有嘢由Leslie一手包辦，每套衫都要我換埋指甲襯色，真係未試過咁影法。」她還說：「諗番第一次喺紅館開騷，真係唔相信會有人嚟睇，我而家已經開始準備緊，keep好自己身體，準備最佳狀態，唱最好嘅歌，跳最正嘅舞畀大家睇，我希望今次唔好咁瘦，因為累積多年經驗，我發覺做演唱會最緊要係體力同健康，太瘦就冇營養又唔夠抵抗力去戰鬥，所以keep fit同調理身體係會要同步進行，唔會畀自己病。」

之不過今年有不少天后、天王級的歌手開騷，祖兒說：「今次我同團隊都會盡最大努力，去製作一個令大家一進場就覺得前所未有，同以往完全唔同嘅演唱會，希望畀大家睇到我喺呢20年嘅進步！」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI