人氣韓片《屍殺列車》嘅11歲童星金秀安近年拍攝嘅電影都有機會同各大男神男星合作，令唔少人都羨慕不已。

好似金秀安去年就同孔劉合作拍攝《屍殺列車》，今年就先後同宋仲基、蘇志燮及黃政民合作《軍艦島》，而最新鮮出爐就由上周三喺韓國上映、下月11號喺香港上映嘅《與神同行》，劇中同河正宇、朱智勛、車太鉉等合作。

日前金秀安就上咗SBS嘅節目受訪，其間主持人仲問咗一條超級難題考金秀安，當中就問到金秀安喺咁多位「爸爸」中，包括《屍殺》中嘅爸爸孔劉，同埋《軍艦島》嘅爸爸黃政民，要佢喺兩個爸爸揀嘅話點揀，金秀安竟然兩個爸爸都唔愛，口快快就話會揀宋仲基Oppa，之後仲一臉冧樣話：「我係仲基Oppa嘅粉絲，讀劇本時仲覺得佢嘅臉上好似發咗光咁，都冇辦法令人集中注意力。」

更多韓流，喺晒《娛果》
http://fb.com/appledailyent