史上5月第二高溫 私家車頂疑熱到「出白煙」 消防淋水降溫
天文台
天文台下午在尖沙嘴總部錄得最高35.3°C,是有記錄以來5月第二高溫。讀者盧先生向《蘋果》報料,指下午3時左右路經佐敦吳松街永安後門對開時,發現一輛私家車頂冒煙,「真係好熱呀,永安上面咪有啲鏡嘅,射落架車度,熱到條膠邊出煙,直情融埋。」
盧先生指,消防其後到場,向私家車淋水降溫,「佢哋咪call車主嚟揸走架車囉,車主係中年男人嚟嘅」。他又指,上周曾將坐駕泊於該處,結果也熱至尾翼融掉,但「真係見到未見過,泊喺街度,都熱到自然出煙。」消防處證實,下午近3時半接報,惟到場後無需開喉灌救。
有「港版神探伽利略」之稱的退休理大機械工程學系前工程師盧覺強向《蘋果》指,估計畫面中所謂的「冒白煙」,只是墮在車頂的粉末或灰塵被風吹起,不認為是車頂膠邊被高溫熱融所致(詳見: https://bit.ly/2J1hJCk )。