雖然陳法拉同吳鎮宇連聲否認喺《衝上雲霄2》不和，但鎮宇又的確曾經講過法拉為人執著難搞，而兩人喺微博寫嘅嘢又古古怪怪。

法拉自從拍呢個劇之後，不時喺微博寫心事，睇落去似乎好大壓力，好多困惑。有次法拉貼咗張《衝上2》飯聚合照，寫道﹕「不願面對的，總有一天要認。當全世界都告訴你的時候，就要接受，要記住，要改。感恩有你們在。」

噚日夜晚7點幾，法拉BB貼咗張仰天甜笑嘅相，寫道﹕「我不會因為你的虛假而失去我的天真。我只會經一事、長一智。然後繼續相信生活的美好，快樂下去。」但冇講明咩事。至於鎮宇，前日凌晨貼咗張眾男呆等相，話﹕「《衝上》在倫敦遇上陰天綿雨！正好配合了我們團隊的心情！我們有人被傷害了！更痛的是被出買了！嗚呼哀哉！！原來當今已沒有團隊精神，起碼我們沒有了。」網民紛紛安慰鎮宇，但鎮宇就未有再回應喇。