南韓海難嘅搜索行動至今已進行到第6日，連日來多位韓星陸續向遇難者家屬伸出援手。繼男星宋承憲、溫朱莞相繼喺近日捐款幫手之後，女星宋慧喬、《密會》男星劉亞仁同男星姜東元今日就以經理人公司UAA嘅名義，捐出被、毛毯等日用品到海難現場，希望為遇難者家屬帶來一點溫暖。

《懷抱太陽的月亮》男星丁一宇，亦於經理人公司不知情下，捐出3,000萬幫助遇難者家屬，並謂自己除咗捐錢，做唔到其他事，對家屬感歉疚。