早上午休後，滙豐信託大狀Paul Girolami繼續盤問羅老太。

Girolami問羅老太是否記得2006年10月24日時提過要在信託內拿出5億港元，羅老太問是否即是2年前？Girolami有些少動氣，「我頭先講嘅嘢有咩唔清楚？」羅老太回答，「個時間唔清楚。」Girolami回應，「我是說2006年，are you playing game（你玩緊）？」

此時陳嘉信法官問羅老太今年是甚麼年，羅老太答今年是否一九六幾年？法官指今年是2018年，問羅老太為甚麼感愕然。羅老太稱，「唔係，我唔記得嘛。」陳官再問，「知道今年是2018嘛？」羅老太回應，「今日唔記得，一九八幾話？」

及後羅老太指自己忘記年份，例如不記得2006年發生甚麼事情，但記得過去12年（由2018年計）有從滙豐私人戶口提錢，「冇習俗計幾多年，00咩，好少計，所以我聽得唔係好懂。」又指「太複雜唔識」。其後，原告律師建議用「多少年前」取代直接提及年份，以避免混淆。

羅老太及後又批評辯方律師「查家宅」，問太多不相關的事情，「我只係想問滙豐拎返啲錢，其他子女撳住滙豐，阻住我。」法官重申已第3次要求羅老太盡力回答問題，不是要求她進行演說，原因是余大狀上周已花一個半天時間開案，只需集中回答問題。

記者：周家誠